देब पचभैया
पाल्पा, जेठ २-३ दिन सम्म काली नदीमा बसेर माछा मारी बाड्ने क्रममा बिबाद हुदा छेर्लुङ्ग पाल्पाका भिम बहादुर माझीको आफ्रनै साथीले हत्या गरेका छन् ।
हत्याको आरोमा स्थानिय पुरन माझी, खुम बहादुर राना र करण माझीलाई प्रहरीले पक्राउ गरेको छ । हत्या पछि उनीहरुले शबलाई रानीघाट स्थित कालीनदीको किनारामा गाडेको भएपनि शब लाई राम्दीघाट निर सडेको अवस्थामा प्रहरीले नौ दिन पछि मंगलबार बेलुकी फेला पारेको थियो । माछामारेर बाड्ने क्रममा बिबाद हुदा भिम बहादुरलाई पुरन माझीले हत्या गरेको पाल्पाका प्रहरी प्रमुख प्रहरी नायब उपरिक्षक सुमन तिमिल्सिनाले जानकारी दिए ।
पुरनले भिम बहादुरलाई लाठी र ढुंगाले हानेर हत्या गरेको प्रहरीले जानकारी दिएको छ । हत्याको मुख्य अभियुक्त पुरन भएपनि अरु दुई जना मतियार बनेको र घटनालाई लुकाउन खोजेको आरोपमा उनीहरुलाई पनि कारबाही गर्ने प्रहरी प्रमुख तिमिल्सिनाले जानकारी दिए ।
पुरनले भिमबहादुरको हत्या गरेपछि अरुलाई घटनाको बारेमा जानकारी दिए आफुहरुलाई पनि मार्ने धम्की दिएपछि अरुलाई नभनेको खुमबहादुर र करण माझीले बताएका छन् ।
उनीहरुले गाउमा पुगेर भिम बहादुरलाई नदीले बगाएको बताएका थिए ।
नदीले बगाएको भनेपछि गाउलेहरुले झण्डै एक हप्ता नदी किनारमा भिमबहादुरको शब खोजेका थिए । तर मृतकको शब नभेटिएपछि भिमबहादुरका आमाले प्रहरीमा छोराको खोजबिन गर्न निबेदन दिएपछि प्रहरी अनुसन्धानमा भिमबहादुरको हत्याको पुष्टी भएको प्रहरीले बताएको छ ।
मंगलबार बेलुकी भेटिएको शबलाई पोष्टमार्टम पछि बुधबार बिहान प्रहरीले शबलाई आफन्तको जिम्मा लगाएको छ ।
0
0
