देब पचभैया
पाल्पा, माघ १७ – नेकपा एमालेका नेता सुरेन्द्र पाण्डेले वार्ता र सहमति बाटै संविधान बनाउनुपर्नेमा जोड दिएका छन । संविधान निर्माण प्रक्रियामा विपक्षीहरू पनि सहभागी हुनेमा आफू विश्वस्त रहेको भन्दै नेता पाण्डेले बार्तानै सहमतिको अस्त्र भएको बताए ।
प्रेस चौतारी पाल्पाले शनिबार तानसेनमा आयोजना गरेको पत्रकार भेटघाट कार्याक्रममा बिपक्षी मोर्चा संग सहमति गरेर मात्रै संबिधान निर्माण मा लाग्ने बताए ।
पुर्ब अर्थमन्त्री समेत रहेका पाण्डेले निर्वाचन प्रणाली, न्याय प्रणाली र शासकीय स्वरुपका विषयमा सहमति हुदै गएको बताउदै अधिकांश विषयमा सहमति जुटिसकेको दाबी गरे ।
संवैधानिक अदालत, मिश्रित निर्वाचन प्रणाली, सुधारिएको संवैधानिक व्यवस्था लगायतका विषयमा लगभग सहमति जुटिसकेको छ, उनले भने, नमिलेका विषयमा छलफल र बार्ता बाट अघि बढ्नु पर्छ ।
संविधान ल्याउनकै लागी एमाओवादीसंग अघिल्लो संविधानसभामा सहकार्य गरेको भन्दै अहिले कांग्रेससंग नजिक हुनुको अर्थ संविधान ल्याउनकै लागी भएको दाबी गरे । एमाले संविधान बनाउन दृढ भएको भन्दै त्यसमा सबैको साथ आवश्यक रहेकोमा जोड दिए ।
संघीयताका विषयमा अलमलिन नहुने भन्दै नेता पाण्डेले प्रक्रियामा गएर भएपनि ४ महिना ६ दिनमा संविधान ल्याउनुपर्नेमा जोड दिए ।
0
0
