ग्रिल व्यवसायीहरुकोभेलाले अशोक बर्माको नेतृत्वमा नया समिति चयन

दिल थापा
बुटवल, २२ मंसिर
बुटवल उद्योग बाणिज्य संघ अन्र्तर्गतका ग्रिल व्यवसायीहरुको आज सोमवार संघ सचिवालयमा सम्पन्न भेलाले अशोक बर्माको नेतृत्वमा नया समिति चयन गरेको छ ।
समितिको उपसभापतिमा राम प्रसाद पाण्डे र सदस्यमा महेन्द्र कुमार कार्की, मान बहादुर बिक, उमेश श्रेष्ठ, तुल्सि राम केसी तथा सल्लाहकारमा चन्द्र गुप्तरत्न शाक्य र तुला बहादुर सारु रहेका छन ।
भेलामा बोल्दै संघका उद्योग उपाध्यक्ष अनिल श्रेष्ठले बस्तुगत समितिको क्रियासिलताका लागि संघले बिभिन्न कार्यक्रमहरु सञ्चालन गर्ने र व्यवसायी स्वयंले पनि आफ्नो क्षेत्रका समस्या समाधान, व्यवसायको बिबिधिकरण र बिशिष्टिकरणमा ध्यान दिनुपर्ने बताए ।
संघका कार्यसमिति सदस्य तथा समन्वयकर्ता मोहन लाल जोशीको सभापतित्वमा भेला भएको थियो ।