रूद्र श्रीसमगर
पोखरा, १४ कात्तिक
गलकोट घुम्टे विकास मञ्च–पोखराको प्रथम साधारणसभाको पूर्व निर्धारित मिति सरेको छ ।
मञ्चले आफ्नो प्रथम साधारणसभा आगामी मंसिर २७ गते गर्ने भएको हो । यसअघि, मञ्चले आगामी मंसिर १३ गते गर्ने भनेको थियो ।
मञ्चमा आबद्ध अधिकांश सदस्यहरूको पूर्व निर्धारित समयमा कुल पूजा परेकाले शुक्रबार बसेको मञ्चको बैठकद्वारा साधारणसभा सारिएको मञ्चका अध्यक्ष हिराबहादुर खत्रीले जानकारी दिएका छन ।
त्यसैगरी, मञ्चद्वारा प्रकाशन गर्न लागिएको स्मारिका सोही साधारणसभामै विमोचन गर्ने गरी प्रकाशनको तयारीमा लाग्ने निर्णय समेत गरेको अध्यक्ष खत्रीले बताए । स्मारिकाका लागि आवश्यक लेख, रचना र विज्ञापन सड्ढलनका लागि गलकोट, बागलुङ, पोखरा र काठमाडौंमा मञ्चको टोली जाने निर्णय समेत बैठकले गरेको छ ।
मञ्चका अध्यक्ष हिराबहादुर खत्रीको अध्यक्षतामा सम्पन्न बैठकको सञ्चालन सदस्य बमबहादुर छन्त्यालले गरेका थिए ।
0
0
