दिलीप राना मगर
जापान , २८ अक्टोवर – नेपाल मगर संघ जापनको आयोजनामा अक्टोवर २५ तारीकको बेलुकि टोयोटा शहर नान ते क्याफे रेस्टुएरेण्टमा तिहार कार्यक्रम सम्मपन्न भएको छ ।
कार्यक्रमको प्रमुख अतिथि नेपाल आदिवासी जनजाति महासंघ जापनको महासचिव कान्छा शेर्पा रहेका थिए । बिशेष अतिथिमा संघका संरक्षक भिजेन्द्रमान पुन मगर थिए । अतिथिहरूमा शेर्पा संघ टोकाइ , जापानका अध्यक्ष पेम्बा शेर्पा , थकाली संघ टोकाइ , जापनको चन्द्र थकाली , भरखरै मात्र जापन प्रवेश गरेका नेपाल मगर बिधार्थी संघ कास्कीका पूर्व अध्यक्ष गम्बिर राना मगर , पत्रकार तथा फोटो ग्राफर जापानका निशान राना मगर , संघका निबर्तमान अध्यक्ष दिलीप राना मगर , भूपू अध्यक्ष श्याम राना मगर र कलाकार भुवन सिं थापा मगर रहेका थिए ।
संघका अध्यक्ष कौढा बुढा मगरको सभापतित्वमा उपाध्यक्ष श्रीपुन मगरले उपस्तिथि पाहुँनाहरुलाइ स्वागत भाषण गरेका थिए भने संघका महासचिव धन कुमार बुढा मगरले कार्यक्रम संचालन गरेका थिए । तिहार पर्व कहीले र कसरी यस्को प्रचलनमा आयो भन्ने छोटकरीमा संघका संरक्षक भिजेन्द्रमान पुन मगरले उपस्थित पाउनाहरुमा प्रस्ट पारेका थिए । भने उपस्थित पाउनाहरुलाइ गाएक भुवन सिं थापा मगरले आफ्नो कलात्मक स्वरले बेजोड सांगेतिक मंनोरंजन दिलाउँन सफल भएका थिए ।
अन्तयमा कार्यक्रमको समापन हुनु अगाडी संघका अध्यक्ष कौढा बुढा मगरले उपस्थित पाउनाहरुमा हार्दिक शुभकामना र धन्यबाद ब्यक्त गर्दै उपस्थित चेलीबेटीहरुलाइ दक्षिणा दिदै चेली माइतीको सद्भावना संबन्धलाइ अझ प्रगढ बनाउँन सप्तरंगी टिका र फुलमाला लगाएर नेपालमा रहेका दिदीबहिनीहरु लाइ एकछिन बिर्साइ दिएका थिए ।