कमल थापाको अनुनय बिनय पछि मोदीले भेट दिए

भारतीय बिदेश मन्त्रि शुस्मा स्वराजले नेपालको भ्रमण गर्दा हिन्दु राष्ट्र, राजतन्त्रको बारेमा कुनै बहश नहुने, मन्त्रि हुँदा धर्मनिर्पक्ष राष्ट्रको नाममा सफथ लिएको भने पछि थापा पछि हटेका थिए ।

काठमाडौं, साउन १९ -राप्रपा नेपालले जोडबल गरेपछि भारतीय प्रधानमन्त्री नरेन्द्र मोदीले अध्यक्ष कमल थापालाई अन्नतः भेटेका छन् । थापालाई भेट्न अचानक मोदीले आफ्नो कार्यतालिकाको सूचीमा समय मिलाएका हुन।

उनले आज अपरान्ह ४ बजे हायात होटलमा थापालाई भेटेको केन्द्रीय सदस्य राजाराम बर्तौलाले जानकारी दिए । नेपाल भ्रमणमा रहेका मोदीसँग भेट्न सरकारका प्रवक्ता मिनेन्द्र रिजालसँग राप्रपा नेपाललेआग्रह गरेको र उनले भारतीय दूतावाससँग समन्वय गरेर समय मिलाइएको हो ।

मोदीसँगको भेटमा राप्रपा नेपालले उठाउँदै आएको हिन्दु राष्ट्रका विषयमा कुनै छलफल नभएको बताए । गत हप्ता भारतीय बिदेश मन्त्रि शुस्मा स्वराजले नेपालको भ्रमण गर्दा हिन्दु राष्ट्र, राजतन्त्रको बारेमा कुनै बहश नहुने, मन्त्रि हुँदा धर्मनिर्पक्ष राष्ट्रको नाममा सफथ लिएको भने पछि थापा पछि हटेका थिए । साथै मोदी संग यी बारे कुरा नगर्ने थापाले बिभिन्न संचार माध्यामहरूमा बताउदै आएका थिए ।

भेटमा राष्ट्रिय अन्तर्राष्ट्रिय राजनीति, संविधान निमार्णका विषयमा छलफल भएको उनले जानकारी दिए । कांग्रेस, एमाले र एमाओवादीले आफूहरुलाई निषेध गरेको भन्दै थापाले मोदीसँग भेट गर्ने वातावरण बनाइदिन सरकारसँग अनुनय बिनय गरेका पछि उनलाइ मोदीले ५ मिनेट भेट्ने समय दिएका थिए । थापा राजा सहितको प्रजातन्त्र र हिन्दु राष्ट्रको माग गर्दै भारत संग गुहार्रदै आइरहेका छन् ।

आइतबार संसद बैठकलाई सम्बोधन गर्दै मोदीले नेपालाई संघिय लोकतात्रिक गणतन्त्र भनेपछि थापा हच्किए र थचच्क बसेका थिए ।