आगोलागीमा परि दुई बालबालिकाको मृत्यु

देब पचभैया

पाल्पा, बैशाख ४ – पाल्पाको जुठापौवा ७ ग्वाठानामा आज (बिहिबार) दिउसो भएको आगलागीमा परेर दुई बालबालिकाको मृत्यु भएको छ ।

५५ वर्षिय हनबहादुर सारुको घरमा आगलागी हुदा उहाकै नाति ४ वर्षिय कमल सारु र चार वर्षकै दिलकुमारी सारुको मृत्यु भएको जिल्ला प्रहरी कार्यालय पाल्पाले जानकारी दिएको छ । आगोलागीमा एक घर र तीन गोठ जलेर नष्ट भएको छ । दिउसोमा कोही पनि नभएका बेला आगलागी भएकाले बालबालिकाले उद्धार पाउन नसकेको जिल्ला प्रहरी कार्यालय पाल्पाले जानकारी दिएको छ ।