देब पचभैया
बुटवल ,फागुन २५ – मगर घाट विकास तथा व्यवस्थापन परिषद् बुटवलको प्रथम साधारण सभा तथा अधिवेशन सम्पन्न भएको छ ।
परिषद्ले बुटवलमा एक कार्यक्रम गरी साधारण सभा तथा अधिवेशन सम्पन्न गरेको हो ।
अधिवेशनले पदमप्रकाश रानाको अध्यक्षतामा सर्वसम्मत १३ सदस्यीय कार्यसमिति चयन गरेको छ । जसको उपाध्यक्षमा ज्ञानबलबहादुर थापा, सचिवमा तोजमान थापा, सहसचिवमा गौमाया थापा, कोषाध्यक्षमा गोपाल चौहान, सदस्यहरुमा शंकर गाहा, गीता सारु, रोमबहादुर झेंडी, लिला सिंजाली, सरिता थापा, बलबहादुर पुन, थर्क बहादुर बारघरे र सरिता श्रीस निर्विरोध चयन भएका छन् ।
अध्यक्ष होमबहादुर गलामीको अध्यक्षता तथा समाजसेवी ईश्वर बहादुर रानाको प्रमुख आतिथ्यतामा भएको कार्यक्रमले कोषाध्यक्ष गोपाल चोहानको आर्थिक प्रतिवेदन तथा अध्यक्षको प्रगति प्रतिवेदनलाई पास गरेको छ ।
उपाध्यक्ष महेशकुमार रानाको स्वागत तथा सचिव दिपक थापाको सचालनमा भएको कार्यक्रममा तिलबहादुर थापा, जंगबहादुर श्रीस, डिलबहादुर खाम्चा, फोनिज रुपनदेहीका अध्यक्ष मिलन गाहा, राजु राना, लगायतले बोलेका थिए ।
0
0
