खुकुरी प्रहारवाट मगर मारिए

छिमेकीको खुकुरी प्रहारबाट मोरङको शनिश्चरेमा एक जनाको ज्यान गएको छ । शनिश्चरे –७ शिरिसे डाँडाँ बस्तीका ३५ बर्षका हर्कबहादुर मगरको छिमेकीले खुकुरी प्रहार गरी गएराती हत्या गरेका हुन् । राति साढे ११ बजे छिमेकी बुद्धिमान राईको अगुवाईमा गएका ३/४ जनाको समुहले खुकुरी प्रहार गर्दा मगर गम्भीर घाइते भएकाथिए ।

उनको उपचारकाे क्रममा विहान धरानस्थित बीपी कोइराला स्वास्थ्य विज्ञान प्रतिष्ठानमा ज्यान गएको इलाका प्रहरी कार्यालय पथरीले जनाएको छ । खुकुरी प्रहार गर्ने राईसहितका ब्यक्तिहरु फरार छन् । प्रहरीले अनुसन्धानका लागि राईकी दिदीहरु सरु राई र पुनम राईलाई नियन्त्रणमा लिएको छ । घटनाको थप अनुसन्धान भईरहेको मोरङ प्रहरीले जनाएको छ ।

भैरव