निर्वाचन क्षेत्र निर्धारण आयोगले लिखित प्रतिवेदन आज सरकारलाई बुझाएको छ ।
आयोगका अध्यक्ष ताहिर अलि अन्सारीलगायत सबैजना प्रतिनिधिहरूले सिंहदरबारस्थित मन्त्रिपरिषद्को कार्यालयमा गई मन्त्रिपरिषद् अध्यक्ष खिलराज रेग्मीलाई प्रंतिवेदन बुझाएका हुन् । प्रतिवेदनमा प्रस्तुत सुझावको बारेमा केही खुलाइएको छैन । प्रतिवेदनमा समेटिएका सुझाव सरकारले सार्वजनिक गर्ने आयोगका प्रवक्ता टेकनारायण ढुंगानाले जानकारी दिए।
प्रतिवेदन बुझ्दै अध्यक्ष रेग्मीले प्रतिवेदन बुझाएकोमा आयोगलाई धन्यवाद दिए । उनले प्रतिवेदन सुझबुझपूर्ण एवं औचित्वपूर्ण रहेको विश्वास समेत व्यक्त गरेको मन्त्रिपरिषद् सचिवालयले जनाएको छ । स्रोतले दिएको जानकारीअनुसार प्रत्यक्षतर्फको निर्वाचन क्षेत्रको संख्या नबढाउने गरी पुरानै कायम राखिएको छ । पूर्वन्यायाधीश अन्सारीको अध्यक्षतामा गठित विज्ञसम्मिलत समितिले तोकिएको एक महिनामा काम नसकेपछि पहिलोपटक १० दिन र पछि एकसाता समय थप गरिएको थियो ।
आनन्द गुरुङ
0
0
