एनआरएनए प्रमुखमा शेष घलेको उम्मेदवारी

अष्ट्रेलियाकै १८० औं धनी नागरिक शेष घलेले गैरआवासीय नेपाली संघ एनआरएनको अध्यक्षमा उम्मेदवारी घोषणा गरेका छन् । राजधानीमा पत्रकार सम्मेलनको आयोजना गरी घलेले उम्मेदवारी घोषणा गरेका हुन् । उनले आफू सर्वसम्मत अध्यक्ष बन्ने दाबी गरेका छन् । उनले आफुले उम्मेदवारी दिनुका कारण पनि सार्वजनिक गरेका छन् ।
उनले आफुले उम्मेदवारी दिनुको कारणबारे भने , गैरआवासिय नेपालीको अभियानलाई थप सुधार गदै संस्थागत गर्न, एनआरएनको दर्ता, सुरक्षित आप्रवासन र वैदेशिक रोजगारीको सुदृढीकरण र नेपालमा ज्ञान र पूंजी लगानीका लागि विदेशमा रहेका नेपालीको क्षमता प्रयोग गर्न मेरो उम्मेदवारी हो ।
उनले नेपाली नागरिकताको निरन्तरता अर्थात दोहोरो नागरिकता दिलाउन पहल गर्ने योजनामा आफु रहेको बताए । एनआरएनको स्थापनाकालमा घलेले केन्द्रीय सल्लाहकारको भूमिका निभाइसेका छन । घलेले २००५ मा दोहा सम्मेलनमा भाग लिएपछि एनआरएन अष्ट्रेलिया स्थापना गर्न सक्रिय भूमिका निभाएका थिए । एनआरएनको अन्तर्रािष्ट्रय सम्मेलन आगामी अक्टोबरमा काठमाण्डौंमा हुंदैछ ।
जगन शर्मा