साताव्यापी भारत भ्रमणमा रहेका काग्रेंस सभापति सुशील कोइरालाले आजबाट उच्चस्तरीय राजनीतिक भेटवार्ता शुरु भएकोछ । महामन्त्रीद्वय प्रकाशमान सिंह र कृष्ण सिटौलाका साथ हिजो दिल्ली पुगेका कोइरालाले आज प्रधानमन्त्री मनमोहन सिंह, प्रधानमन्त्रीका राष्ट्रिय सुरक्षा सल्लाहकार शिवशंकर मेनन र विदेशसचिव सुजाता सिंहसंग भेट्ने कार्यक्रम छ ।
ती सबै भेटमा नेपालको पछिल्लो राजनीतिक अवस्था र आसन्न संविधानसभा निर्वाचनलगायत विषयमा छलफल हुने नेकाले जनाएको छ । कोइरालाले भारत बसाइका क्रममा सत्तारुढ कग्रेस आई अध्यक्ष सोनिया गान्धी, राष्ट्रिय सभामा विपक्षी दलकी नेतृ शुष्मा स्वराज, नेपाल सोलिडारिटी कमिटीका अध्यक्ष शरद यादवसंग पनि भेट्ने कार्यक्रम छ ।
कोइरालाले नेपालसंग सीमा जोडिएका उत्तर प्रदेशका मुख्यमन्त्री अखिलेश यादव र बिहारका मुख्यमन्त्री नीतिशकुमारसंग समेत भेट्दैछन । सभापति कोइरालाले बांकेको सीमावर्ती क्षेत्रको भ्रमणमा लक्ष्मणपुर बांधका कारण नेपाली भूमि डुबानमा पर्नुको कारणबारे भारतीय पक्षसंग कुरा गर्ने बताएकाथिए ।
आनन्द गुरुङ
0
0
