पत्रकार कुटुवा मालिक बचाउने महासंघको काईते काईदा

पत्रकार कुट्ने मालिकलाई कानुनी कार्वाहीको दायरामा ल्याई श्रमजिवी पत्रकारलाई कानुनी हक दिलाउनुको साटो पत्रकार महासंघले नविन ढुंगानाको हकमा श्रमजिवी पत्रकार ऐन लागु गर्न मालिकलाई अनुनय गरि पत्र पठाएकोछ । अधिकार, नियम कानुन र श्रमजिवी पत्रकारको आवाजको बडेनमानका कुरा गर्ने महासंघले आफ्नै पत्रकार नविन ढुंगानालाई कुट्ने मालिक भाष्करराज कर्णिकारलाई त्यसरी निम्छरो पत्र काटेको हो ।

महासंघको बिज्ञप्ति –

एक सहकर्मी महिला पत्रकार ज्योति शाहमाथि भएको मालिकको ज्यादती बिरुद्ध आवाज उठाईदिदा उनलाई कर्णिकारले अपशब्द बोल्दै हातपात गरेकाथिए । त्यसपछि ति दुबैलाई उल्टै नोकरीबाट निकालिएको उर्दी सुनाइएकोथियो । नवीनले आफुमाथि कुटपिट भएको भन्दै सुरक्षाको माग सहित न्याय दिलाईदिन पत्रकार महासंघ, सूचना विभाग र जिल्ला प्रशासन कार्यालयमा उजुरी दिएकाथिए । हातपात गर्ने कर्णिकारलाई कानुनी कार्वाहीको माग राखेकाथिए ।
तर महासंघले महासचिव ओम शर्माको हस्ताक्षरित मीडिया मालिकलाई पठाइएको पत्रमा श्रमजिवी पत्रकार ऐन कार्यान्वयन गर्न अनुरोध गरेको छ । उनलाई कानुनी कार्वाहीका सम्बन्धमा केही उल्लेख गरिएकोछैन । न अहिले सम्म पीडकलाई प्रशासनले नै केहि गरेकोछ ।
महासंघलाई बेलाबखत श्रमजिवी पत्रकारहरुको भन्दा पनि मीडिया मालिकको पक्षमा बढी काम गरेको आरोप लाग्ने गरेकोमा यस घट्नामा त्यस्तै देखिएकोछ । बिज्ञप्तिमा कर्णिकारलाई ठुलठुला शब्दले आदर्शको पाठ पढाइएकोछ र अन्तमा श्रमजिवी ऐन लागु गर्न अनुरोध गरिएकोछ । त्यसको अर्थ कर्णिकारले ठाडो आदेशमा निकालिएका ती दुई पत्रकारको पाउनुपर्ने तलब दिएर आफुले छुटकारा पाउनेछन् । महासंघले घुमाउरो पारामा कर्णिकारलाई तिनको तलब दिएर टेन्सनमुक्त हुन आईडिया दिएकोछ । क्रान्तिकारीहरुकै वर्चश्व भएको पत्रकार महासंघको मालिकको तावेदारी गर्ने यस्तो चालाले नविन र ज्योति जस्ता पत्रकार अझै कति शहिद बनाईने हुन् ।

सम्बन्धित समाचार-

पत्रकारले मुख खोल्दा लात र बात खानुपर्ने,भात गुमाउनुपर्ने!