धनकुटाको आहालें ६ स्थित चाँदी वजारमा लागेको राँके मेलामा यूवाहरु वीच झडप हुँदा एक जनाको ज्यान गएको छ । जिल्ला प्रहरी कार्यालय धनकुटाले जनाए अनुसार ज्यान जानेमा आहाले गाँउ विकास समिति वार्ड नं ४ निवासी २४ बर्षिय भावीराम राई रहेका छन् ।
राति ११ वजे यूवाहरु वीच झडप हुँदा राइलाई देव्रे छातीमा धारीलो छुरी प्रहार गरी सख्त घाईते वनाईएको थियो । राईको उपचारका क्रममा शुक्रवार विहान वीपी कोईराला स्वास्थ्य विज्ञान प्रतिष्ठानमा ज्यान गएको हो । घट्नाको विषयमा जिल्ला प्रहरी कार्यालय धनकुटामा खबर आएपनि उजुरी नआएको प्रहरी उपरीक्षक सूर्यप्रसाद उपाध्ययले बताए ।
यसैगरी मोरगंको हात्तिमुडा–८ मा भएको दुर्घटनामा दुइ जना भाइते भएका छन ।बिराटनगरबाट दुहबी आउदै गरेको, को. ३ प ९५९० र विपरित दिशाबाट आउंदै गरेको को. ८ प. २५४९ नम्वरको मोटरसाईकल ठोकिदा ४० वर्षिय राजकुमार थापा र नाम, थर वतन नखुलेको व्यक्ती गम्भीर घाइते भएका छन । घाइते दुबै जनाको न्यूरो अस्पताल विराटनगरमा उपचार भइहेको छ । यसैबीच सप्तरीको कल्याणपुर –४ मा भएको दुघटनामा दुइजना घाइते भएका छन ।
गएराती पूर्व आईरहेको ज ३ प १३५३ नम्वरको मोटरसाईकलले पैदल यात्री लाइ ठक्कर दिदा १५ वर्षिय मोहम्मद र मोटरसाईकल चालक सप्तरी राजबिराज ९ का २२ वर्षिय जलान्धर घाईते हुनुभएको हो । घाइतेको सप्तरीको रायपूर अस्पताल मा उपचार भइरहेको प्रहरीले जनाएको छ ।
भैरब आङ्ला, धरान
0
0
