मोरङ र संखुवासभामा करेन्ट लागेर दुइ जनाको ज्यान गएको छ । मोरङको डाइनिया –८ की १४ बर्षीया चाँदनीदेवी सहनीको करेन्ट लागेर ज्यान गएको मोरङले प्रहरीले जनाएको छ ।
गएराति घरमा बिद्युतीय लाईन चलाउने क्रममा करेन्ट लागेर सहनीको घटनास्थलमै ज्यान गएको हो । यसैगरी संखुवासभाको सिद्धकाली–४ कात्तिकेमा ४३ बर्षीय पदम बहादुर लिम्बुको करेण्ट लागेर ज्यान गएको छ । आफ्नै घरमा नुहाएर कपडा फेर्ने क्रममा बिद्युत होल्डरमा छोएर लिम्बुको घटनास्थलमै ज्यान गएको घटनास्थलमा पुगेका टेन्डी शेर्पाले जानकारी दिए ।
यसैबिच मोरङको बबियाबिर्तामा सर्पले डसेर एक बालिकाको ज्यान गएको छ । बबियाबिर्ता –७ की १२ बर्षीया पुनम गुप्ताको ज्यान गएको जिल्ला प्रहरी कार्यालय मोरङले जनाएको छ । खेतमा घाँस काट्न गएको बेला बिषालु सर्पले डसेपछि बेहोस गुप्तालाई अस्पताल लाँदैगर्दा बाटोमै ज्यान गएको थियो ।
भैरब आङ्ला, धरान
0
0
