पोखरा, ११ असार
तमु धिं नेपालका अध्यक्ष कर्म तमुले विवाह वर्षगाँठको अवसरमा आफु र लोग्ने कर्णको नाममा स्थापना गरिदिएको कर्मकर्ण आदिवासी जनजाति पत्रकारिता पुरस्कार २०७० प्रदान गर्न छनौट समिति गठन भएको छ ।
नेपाल आदिवासी जनजाति पत्रकार महासंघ(फोनिज) कास्कीद्धारा सञ्चालित पुरस्कारका लागि प्रतिभा छनौट गर्न पाँच समदस्यीय समिति गठन भएको हो । समितिको सदस्यहरुमा पुरस्कारदाता कर्म तमु, फोनिज कास्कीका अध्यक्ष हुमबहादुर तमु, सल्लाहकारहरु अधिवक्ता सुरेन्द्र थापामगर, राजबहादुर तमु, दिपेन्द्र श्रेष्ठ छन् ।
गतवर्षदेखि कर्म तमुको वर्षगाँठको दिन असार २९ गते प्रदान गर्न थालिएको पुरस्कार पाँच हजार एक रुपैया नगद र सम्मान पत्र रहेको छ । पहिलो पटक पत्रकार रीता तमु पुरस्कृत भएकी थिइन् । यो दोस्रो संस्करण हो ।
आदिवासी जनजातिको विषयवस्तुलाई मुल आधार मानी पत्रकारीता गर्ने पत्रकारलाई असार २९ गते एक कार्यक्रमका विच पुरस्कृत गरिने फोनिज कास्कीका अध्यक्ष हुमबहादुर तमुले जानकारी दिए ।
0
0
