देब पचभैया
काठमाडौं, ३ बैशाख ।‘‘जातिय पहिचान सहितको संघीयताका लागि पूर्ण समाबेशी सञ्चार’’ भन्ने मूल नाराका साथ नेपाल आदिबासी जनजाति पत्रकार संघ (अनिज) को पाँचौं राष्ट्रिय महाअधिबेशन जेठ २६ मा पोखरामा हुने निश्चित भएको छ । अनिज का केन्द्रीय अध्यक्ष मोहनसिं लामाको अध्यक्षतामा बसेको बैठकले महाअधिबेशन सफल पार्न मूल आयोजक समिति गठन गरी विभिन्न उपसमितिहरु गठन गरेको छ । आयोजक समितिमा केन्द्रीय समिति २१ जना र सल्लाहकार ३ जना राख्ने निर्णय गरेको छ ।
केन्द्रीय समितिको बैठकले महाअधिबेशन सफल पार्न विधान संशोधन उपसमिति, आर्थिक ब्यवस्थापन उपसमिति, प्रकाशन तथा प्रचार प्रसार उपसमिति, केन्द्रीय ब्यवस्थापन उपमिति र स्थानिय पोखरा उपसमिति गठन गरेको छ । विधान संशोधन समितिमा संयोजक गर्जुधन राई, आर्थिक ब्यबस्थापन उपसमिति संयोजक टिका प्रधान, प्रकाशन तथा प्रचार प्रसार उपसमिति संयोजक डम्बरकृष्ण श्रेष्ठ, केन्द्रीय ब्यबस्थापन उसपमिति संयोजक डण्ड गुरुङ र पोखरा स्थानिय उपसमिति संयोजक हुम गुरुङलाई तोकेको छ ।
बैठकले काठमाडौं उपत्यकाका तीन जिल्लाका अध्यक्ष, उपाध्यक्ष र सचिव गरी ३/३ जना अनिज कास्की जिल्ला शाखाबाट ११ जना र थप ७ जना गरी ५१ सदस्यीय मूल आयोजक समितिमा रहने निर्णय गरेको छ । राष्ट्रिय अधिबेशनलाई मध्यनजर गर्दै अनिज जिल्ला शाखाहरुको जिल्ला अधिबेशन २०७० साल बैशाख १५ गतेभित्र सम्पन्न गर्न सक्रिय भई लाग्ने निर्णय गरेको छ ।
अनिज जिल्ला शाखाहरुले बैशाख १५ गतेभित्र जसरीपनि अधिबेशन सम्पन्न गर्नपर्ने केन्द्रिय अध्यक्ष लामाले बताउनुभयो । यसैविच राष्ट्रिय अधिबेशनलाई ध्यानमा राखी अनिज जिल्ला शाखाहरुले जिल्ला अधिबेशन धमाधम सम्पन्न गरिरहेका छन् । हालम्म उदयपुर, तनहुँ, सुनसरी, रुपन्देही, दोलखा, गोर्खा, दाङ, धादिङ र कास्की, रुपन्देही, पाल्पा, संखुवासभा, लगायतका अनिज शाखाको अधिबेशन सम्पन्न भएका छन् । आज रोल्पा र प्यूठानको अधिबेशन हुने रोल्पा र प्यूठान शाखाले जनाएको छ ।
अन्य जिल्लाबाट आदिबासी जनजाति पत्रकाहरुको नामावली आउने क्रम जारी रहेको छ । नामावली नपठाएका जिल्ला शाखाहरुलाई यथाशिघ्र केन्द्रमा नामावली पठाउन र २०७० साल बैशाख १५ गतेभित्र जिल्ला अधिबेशन सम्पन्न गर्न अनिज केन्द्रिय समितिले प्रत्येक जिल्ला शाखालाई अनुरोध गरेको छ ।
0
0
