नेपालीको पक्षमा जापानिज अदालत

काठमाण्डौ, फागुन ३०,एक नेपालीको हत्या गर्ने जापानी नागरीकलाई त्यहाँको अदालतले १९ वर्ष जेल सजायको फैसला गरेको छ । साथै हत्याका सहयोगी एक महिलालाई समेत ९ वर्षको जेल सजाय अदालतले सुनाएको छ । ४२ वर्षीय नेपाली नागरिक विष्णुप्रसाद धमलालाको हत्याको आरोपमा जापानी नागरिक हिरोकी सिराहिसी र उनका महिला साथी मियोको सिराइसीलाई जापानको राजधानी टोकियोस्थित अदालतले कैदको सजाय सुनाएको हो । मादक पदार्थ सेवन गरेका दुवै जनाले विनाकारण बाटोमा हिँडेका नेपालीलाई बेहोस हुनेगरी कुटेर सडकमै छोडेका थिए । पछि बाटोमा राखिएको सिसी टिभीको माध्यमबाट ती व्यक्तिको पहिचान भएको उल्लेख छ ।