– भिममाया राना
शान्तिमै बाँच र बाँच्न देउ नबन अशान्तिको धनी ।
कसैलाई घायल नबनाउ आफ्नै सन्तान हुन ती पनी ।।
शान्तिकै नाउमा लडे पनि हजारौं हजार मरे तापनि ।
जहाँ जाउँ अशान्ति नै देख्छु म देख्दिन शान्ति कहिं पनि ।।
जुनेलीमा खोजी हिंडे कतै शान्ति छ कि भनि ।
अशान्ति नै देखें जुनमा पनि टोलाई रहे म पनि ।।
शान्तिले एक छाक खानु बरू नुन र भात खाए पनि ।
अरूको भलाई गर्ने मान्छे महान हुन्छ टालेकै लुगा लाए पनि ।।
शान्तिमै गरिब हुनु बरू नबन्नु अशान्तिको धनी ।
मनमा शान्ति छ भने महल हुन्छ झुपडी घर पनि ।।
धनले हुँदैन कोही धनी मनले हुन्छ त्यो मान्छे धनी ।
आँखाले हेरेर देखिन्न केही यदि मनले देखेन भनी ।।
तछाड मछाड गर्नु पनि अशान्तिको हो जालो ।
पारामारी गर्नु किन हामी सबै नेपाली हामी सम्मान नेपाल ।।
शान्तिमै बाँच र बाँच्न देऊ नबन अशान्तिको धनी ।
कसैलाई घायल नबनाउ आफ्नै सन्तान हुन् ती पनि ।।
पर्रोहा–१, मुर्गिया,रूपन्देहि
0
0
