विदेशीको प्रस्तावका कारण देशमा थप संवैधानिक संकट आएको गजुरेलको दाबी

सिन्धुली,फागुन १० नेकपा माओवादीका उपाध्यक्ष सिपि गजुरेलले प्रधानन्यायाधिसलाई प्रधानमन्त्री बनाउने सहमति गरेर दलहरुले थप संवैधानीक संकट उत्पन्न गरेको आरोप लगाउनु भएको छ । क्रान्तीकारी पत्रकार महासंघ सिन्धुलीले आज आयोजना गरेको कार्यक्रममा गजुरेलले कर्मचारीलाई प्रधानमन्त्री बनाउने दलहरुको सहमतिले थप राजनितीक र संवैधानीक संकट उत्पन्न भइरहेको बताउनुभयो । अर्को प्रसाङमा गजुरेलले यही स्थिती भइरहने हो भने दलहरुले संविधान सभाको निर्वाचन गर्न नसक्ने भन्दै बैशाख सम्ममा त्यस बेलाको परिस्थिती हेरेर आफुहरुले जनसंविधान घोषणा गर्ने पनि बताउनुभयो ।