कन्सुलर विरुद्धको एक्सनका लागि जनजातिको आकस्मिक बैठक

१५ फ्रेबुअरी, हङकङ
सरकारले हङकङका लागि महाबाणिज्यदुतमा अर्थमन्त्रालयका सह–सचिव महेशकुमार दाहाललाई नियुक्त गरेपछि त्यस सम्बन्धमा निर्णय गर्न आदिवासी जनजाति महासंघले भोलि आकस्मिक बैठक डाकेकोछ । त्यसका सल्लाहकार किसन राईको भनाईमा आदिवासी महासंघले राख्दै आएको मागलाई उपेक्षा गरेर दाहाललाई पठाईन थालेपछि यसरी बैठक डाक्नु परेको हो ।
आदिवासी जनजाति महासंघ र जनजाति संघर्ष समितिले हङकङमा जनजाति नै महाबाणिज्यदुत हुनुपर्छ भन्दै आन्दोलन गरिरहेकोछ । यसअघि पनि विनोदकुमार उपाध्यायलाई कालो झण्डा देखाउने र उनलाई कार्यक्रममा नबोलाएर बहिष्कार गरिएकोथियो । तर उपाध्यायले अब उप्रान्त जनजाति नै पठाउन आफुले पहल गरिदिने भनि सहमति गरेपछि उनको बहिष्कार फुकुवा गरिएकोथियो । तर पुन: त्यहि नियति दोहोरिएको भन्दै महासंघले के कसरी प्रतिक्रिया दिने भनि आकस्मिक बैठक डाकिएको बताइएकोछ ।
केहि महिना अघि महासंघले संघीयता विरोधि भन्दै पूर्व प्रधानमन्त्री माधवकुमार नेपाललाई कालो झण्डा देखाएर विरोध गरेकोथियो ।