नाम्जेको पर्यटकीय क्षेत्रलाई टेवा पुर्याउने उद्देश्यका साथ भेडेटार ६ थुम्कीडाँडामा अन्तर्राष्ट्रिय बौद्ध विहारको निर्माण गर्न लागिएको छ । विश्वको प्रख्यात अमेरिकी समाचार माध्यम सिएनएनले नाम्जेलाई विश्वको सातौं उत्कृष्ट स्थानको होमस्टे पर्यटन केन्द्रको रुपमा चयन गरेपछि नाम्जेमा पर्यटकीय क्रियाकलापहरु बढ्न थालेको छ । सो उद्देश्यलाई नै टेवा पुर्याउन अन्तर्राष्ट्रियस्तरको बिहारको निर्माण गर्न लागेको भन्ते मेधाङ्करले (भिक्षु मगर) बताउनुभयो । सो विहारमा बुद्ध मूर्ति पदस्थापन गरिएको छ । थाइल्याण्डबाट ल्याइएको साढे चार फिट अग्लो मूर्ति करिब ५ सय १५ किलो तौलको रहेको भन्ते (भिक्षु मगर) मेधाङ्करले बताए । निर्माणाधीन सूर्यादय शान्तिभूमि बौद्ध बिहारमा बिहीबार बुद्धमूर्ति पदस्थापनअघि विभिन्न भेषभूषामा सजिएका आदिवासी जनजातिहरुको बाजागाजासहित भेडेटारबाट रयालीसहित नाम्जे परिक्रमा उल्लेखनीय उपस्थिति रहेको थियो ।
0
0
