मगर अध्ययन केन्द्रको दशौं वार्षिकी

मगर अध्ययन केन्द्रको दशौं वार्षिक उत्सव सम्पन्न भएको छ । ललितपुरको जावलाखेलमा माघ २० गते एक समारोह आयोजना गरेर वार्षिक उत्सव मनाइएको हो ।

कार्यक्रममा इन्टरनेसनल युनियन फर कनजर्भेसन अफ नेचरका नेपाल प्रतिनिधि याम मल्लले कम्युनिटी फरेस्ट्रीः अ कि स्ट्राटेजी फर सेक्युरिङ सस्टेनेबल लाइभलीहुड एण्ड इनभाइरोनमेन्टल प्रोटेक्सन इन नेपाल विषयक कार्यपत्र प्रस्तुत गरेका थिए । मल्लद्वारा प्रस्तुत कार्यपत्रमाथि सहभागीहरुले खुल्ला छलफल गरेका थिए ।

केन्द्रका अध्यक्ष डा. गोविन्दप्रसाद थापाले शोधमाला जर्नल सार्वजनिक गरे । केन्द्रले मगरसँग सम्बन्धित विषय समेटेर अर्धवार्षिक रुपमा शोधपाला प्रकाशन गर्दै आएको छ । कार्यक्रममा केन्द्रका उपाध्यक्ष गुप्तबहादुर रानाले स्वागत मन्तब्य व्यक्त गरेका थिए ।