काठमाण्डौ,माघ ११
बुधबार देखि सुरु भएको सहिद सप्ताहको पहिलो दिन सहिद शुक्रराज शास्त्रीलाई हत्या गरीएको स्थान टेकु पचलीमा श्रद्धाञ्जली अर्पण गरीएको छ ।काठमाडौँ महानगरपालिकाले गरेको श्रद्धाञ्जली कार्यक्रममा सहिद शास्त्रीको तस्बिरमा माल्यार्पण गरिएको थियो ।
शुक्रराज शास्त्रीले १९९७ साल माघ १० गते सहादत प्राप्त गर्नुभएको थियो । कार्यक्रम अनुसार माघ १३ गते धर्मभक्त माथेमाले अमरत्व प्राप्त गर्नुभएको स्थान सिफलमा र १५ गते गङ्गालाल श्रेष्ठ र दशरथ चन्दले अमरत्व प्राप्त गर्नुभएको शोभाभगवतीमा श्रद्धाञ्जलि अर्पण गरिने छ । त्यस्तै अन्तिम दिन माघ १६ गते बिहान सहिद स्मारक लैनचौरमा ज्ञात–अज्ञात सहिदप्रति विशेष सम्मान धुनसहित श्रद्धाञ्जलि अर्पण गरिने आयोजक समितीले जानकारी दिएको छ । राणा शासनको बिरुद्ध आवाज उठाएर मृत्यु डण्डको सजाए पाएका शहिद लखन थापालाई भने सरकार र राजनितिक दलहरुले बेवास्ता गरेका छन् ।
0
0
