गोरखाको श्रद्धाञ्जलीका लागि साल्मे डाँडामा लुम्विनीबाट भिक्षुहरु आउने

हुम तमु, पोखरा, ३० कात्तिक
ब्रिटिश साम्राज्यको पक्षको युद्धहरुमा मारिएका, बेपत्ता पारिएका ६० हजार पितृ गोरखाहरुलाई श्रद्धाञ्जली अर्पण गर्न लुम्बिनीबाट बौद्ध भिक्षुहरु आउनु हुने भएको छ ।
पितृ गोरखाहरुको आत्माशान्ति र पितृउद्धारका लागि स्याङ्जा फेदीखोला साल्मेडाडामा मंसिर ५ देखि ७ गते सम्म गोर्खा भुतपूर्व सैनिक संघ गेसोले आयोजना गर्ने काजकिरिया तथा श्रद्धाञ्जलीका लागि विश्व शान्तिको कामना गर्दै बौद्ध भिक्षुको टोली आउने गेसोको केन्द्रीय सभापती पदमबहादुर गुरुङले जानकारी दिए ।
मंसिर ५ गतेदेखि ६० हजार पितृ गोरखाका काजकिरिया तथा श्रद्धाञ्जली कार्यक्रमका लागि अहिले साल्मेडाडामा किरिया पुत्रीहरु, धर्म गुरुहरु र सञ्चार केन्द्र निर्माणको तयारी भइरहेको स्थानीय तथा पुर्व सभासद हितकाजी गुरुङले जानकारी गराए ।