नेपालगन्ज भाद्र २८ गते
नेकपा एमालेका उपाध्यक्ष बामदेव गौतमले प्रधानमन्त्री डा. बाबुराम भट्टरार्इले राजिनामा दिएपछि मात्र मुलुक राष्ट्रिय सहमतिको दिशामा अघि बढ्ने बताउनु भएको छ ।
आज नेपालगन्जमा प्रेस चौतारी बांकेले गरेको पत्रकार सम्मेलनमा बोल्दै उपाध्यक्ष गौतमले यस्तो धारणा राख्नु भएको हो ।
उहांले वर्तमान सरकारलाई नहटाएसम्म मुलुकमा कुनै पनि सहमति नहुने बताउनु भयो ।
उपाध्यक्ष गौतमले एकिकृत नेकपा माओवादीले भदौभित्र सहमति हुने बताएपनि सहमतिको सम्भावना नरहेको बताउंदै माओवादीकै कारण मुलुक दुर्गतीतर्फ बढिरहेको बताउदै उहाले मुलुकलाई बर्वाद हुनबाट जोगाउनुपर्नेमा बताउनु भयो ।
सहमतिका लागि वर्तमान सरकारले मार्ग प्रशस्त गरे नेपाली कांग्रेसको नेतृत्वमा नयां राष्टिय सहमतिको सरकार बनाउनु पर्ने गौतमले बताउनु भयो ।
उपाध्यक्ष गौतमले सहमतिका आधारमा संविधानसभाको पुनःस्थार्पना गर्दै पहिले विवादित विषयमा सहमति गरेर संविधान सभा पुनःस्र्थापना गर्नु पर्ने त्यसको लगत्तै संविधान घोषणा गरेर मात्र संसदको निर्वाचनमा जान सकिने धारणा राख्नु भयो ।
0
0
