संघीयताको विवाद जनमतसंग्रहबाट छिनोफानो गर्न तीन दलबीच सहमति

संविधानका विवादित विषयमा सहमति गरि राजनीतिक गरिरोधलाई निकास दिन तीन राजनीतिक दलका शीर्ष नेताहरुबीच सुरु भएको वार्ताको श्रङखला जारी छ । शनिबार भएको प्रमुख तीन दलका शीर्ष नेताहरुबीच भएको वार्तामा संघीयताको विवाद जनमतबाट टुग्याउँने विषयमा करीब सहमति जुटेको एक नेताले बताएका छन् ।

वार्तामा संघीयताको स्वरुप र अन्य विषयमा दलबीच सहमति कायम गर्न नसकिने ठानेर त्यसको जिम्मा जनमत संग्रहलाई लगाउँने कुरामा सहमति भएको माओवादीका नेता अग्नी सापकोटाले बताए । संविधानका विवादित विषयमा सहमति गरि आगामी हप्तासम्ममा संविधानसभाको पुनःसंस्थापना सहित राजनीतिक निकास निकाल्नमा नेताहरु जुटेको बताइरहेको छ ।