बुद्धको तस्वीर अंकित जुत्ता उत्पादन बन्द गर्न बौद्ध विश्वविद्यालयको माग

त्रिभुवन विश्वविद्यालय अन्तर्गतको बौद्ध विश्वविद्यालयले एक अमेरिकी जुत्ता उत्पादक कम्पनीलाई भगवान् बुद्धको तस्वीर अंकित सहितको जुत्ता उत्पादन गर्ने काम बन्द गर्न आग्रह गरेको छ । विश्व विद्यालयका विभागीय प्रमुख मनिन्द्र शाक्यले बुद्धको तस्वीर पैतालामा लगाउँने जुत्तामा राख्ने काम भगवान् बुद्ध र बुद्ध धर्मालम्वीको अममान गरेको भन्दै उक्त कम्पनीलाई त्यसो नगर्न परिपत्र गरिएको बताए । अमेरिकाको क्यालिफोनीयाँमा रहेको उक्त कम्पनीले बुद्धको तस्वीर अंकित जुत्ताको उत्पादन गदै आएको छ । कम्पनीले बुद्धको तस्वीर अंकित जुत्ता आफ्नो वेभसाइटमा समेत राखेको थियो । केही समय अगाडि तिब्वती र बौद्ध समुदायका मानिसहरुले समेत उक्त कम्पनीले आफ्ना सामान विक्री तथा प्रर्वद्धन गर्दा भगवान बुद्ध र बौद्धमागी माथि अपमान गरेको भन्दै त्यसो नगर्न माग गरेका थिए ।