राई सुन्दरीको उपाधि युमालाई

किरात मौलिक संस्कृति कला केन्द्रद्वारा आयोजित मिस राई २०१२ को उपाधि युमा राईले जितेकी छन् । फाईनलमा १६ जना प्रतिस्पर्धीलाई पछि पार्दै ४ साउनमा ओखलढुंगाकी युमाले मिस युमाको ताज पहिरिएकी हुन् ।

उपाधिसँगै युमाले ५० हजार रुपैंया नगद हात पारेकी छन् । युमाको पुख्र्यौली घर ओखलढुंगा भए पनि अहिले नखिपोट ललितपूरमा बस्दै आएकी छन् । १८ वषिर्य युमा अहिले पीसीएल नर्सिङ्ग गरिरहेकी छन् ।

मिस राईको फष्ट रनरअप भने धनकुटाकी सेली राई भइन् । सेकेन्ड रनरअप भोजपुरकी श्रृजा राई र थर्ड रनरअप चतरा सुनसरीकी बिडी योक्की राई भएका छन् । फष्ट, सेकेन्ड र थर्ड रनरअपलाई २०-२० रुपैंया हजार नगद प्रदान गरेको आयोजक ले जनाएको छ ।

एस लिम्बु, काठमाडौं