नवगठित नेकपा-माओवादीसम्बद्ध नेपाल राष्ट्रिय दलित मुक्ति मोर्चाको चौथो राष्ट्रिय सम्मेलन कात्तिकमा हुने भएको छ । सम्मेलन काठमाडौंमा कात्तिक १८, १९ र २० गते हुने मोर्चाका अध्यक्ष तिलक परियारले जानकारी दिए ।
राष्ट्रिय सम्मेलन आयोजक समितिले केन्द्रीय समितिको रूपमा काम गर्ने गरी परियारको संयोजकत्वमा १४१ सदस्यीय राष्ट्रिय सम्मेलन आयोजक समिति गठन गरेको छ । समितिका सदस्यमा तेजबहादुर मिजार, बाबुराम गजमेर, डम्बरबहादुर विश्वकर्मा, परशुराम रम्तेल, सन्तोषी विश्वकर्मा, विष्णुबहादुर विश्वकर्मा, रामलाल विश्वकर्मा, नन्दसिंह सार्कीलगायत छन् ।
पार्टी अध्यक्ष मोहन वैद्य र जनवर्गीय सङ्गठनका ब्युरो इन्चार्ज नारायण शर्माको उपस्थितिमा सम्पन्न मोर्चाको बैठकले साङ्गठनिक काम व्यवस्थित गर्नका लागि ४७ सदस्यीय केन्द्रीय सचिवालय गठन गरेको गरिएको छ ।
तिलिसरा राना गाहा, काठमाडौं
0
0
