बन्द सफल पार्न अरुणखोलामा जुलुस

११ प्रदेशको खारेजी तथा पहिचानमा आधारित प्रदेश निर्माण गर्नुपर्ने लगायतका माग राखेर जनजाति संयुक्त ंसंघर्ष समितिद्वारा तीन दिने नेपाल बन्द सफल पार्न नवलपरासीको अरुणखोलामा विशाल जुलुस निकालेका छन् । बाहुनकुनाबाट शुरु भएको जुलुस अरुणखोला बजार परिक्रममा गरेर कोणसभामा परिणत भएको थियो ।

मसाल जुलुसपछिको कोणसभामा बोल्दै राष्ट्रिय जनमुक्ति पार्टी जिल्ला सचिव तिलबहादुर झेंडी, भगत झेंडी, ओमबहादुर गुरुङ, एकप्रसाद श्रेष्ठ, चन्द्रबहादुर दरै लगायतले जनजातीहरुले आफ्नो अधिकार जसरी पनि लिएरै छाड्ने बताए । कमल बाकवाल मगरको सन्चालनमा कार्यक्रम सम्पन्न भएको थियो ।