नेपाल रेन्बुकाई कराँते डो सङ्घको प्रथम साधारणसभाले मीना तामाङको अध्यक्षतामा १३ सदस्यीय केन्द्रीय कार्यसमिति निर्विरोध चयन गरेको छ । नेपाली खेलकुदको इतिहासमा राष्ट्रिय खेलकुद सङ्घको अध्यक्षमा निर्विचित हुने मीना पहिलो महिला हुन ।
जेठ ७ गते सम्पन्न साधारणसभाले प्रेमलाल बम्जनलाई सह-अध्यक्ष, भगवती प्रधानलाई वरिष्ठ उपाध्यक्ष, मुकुन्दबहादुर पहरीलाई उपाध्यक्ष, रेशमलाल लामालाई महासचिव, सुस्मिता गुरुङलाई सचिव र राजकुमार तामाङलाई कोषाध्यक्षमा चयन गरेको हो ।
संघको सदस्यहरुमा नम्बर शेर्पा, ह्योल्मो युद्ध लामा, रामप्रसाद खनाल, दोर्जे लामा पाखि्रन, टेकबहादुर याखा तथा रमेश तामाङ निर्विरोध चयन भएका छन् ।