नक्कली संघीयताको विरोधमा तमलोपा नेपाल सरकारबाट बाहिरिने

तीन दलले नाम विनाको संघीय प्रदेश प्रस्ताव गरेको विरोधमा सत्तारुढ तराई मधेस लोकतान्त्रिक पार्टी नेपालले सरकार छाड्ने निर्णय गरेको छ । तमलोपा नेपालको जेठ ४ गते बसेको केन्द्रीय कार्यसमितिको वैठकले सरकारबाट फिर्ता हुने निर्णय गरेको हो ।

पार्टी अध्यक्ष महेन्द्र यादवलाई सरकारबाट बाहिरिन आग्रह गरेको पार्टी प्रवक्ता रामाशिषप्रसाद गुप्ताले जानकारी दिएका छन् । तीनदलले सहमति नाममा मनपरी गरेर मधेस आन्दोलनको मर्म विपरीत निर्णय गरेपछि प्रतिपक्षमा बस्ने निर्णय गरेको बताए ।

एमाओवादी, काँग्रेस र एमालेले बहुलजातीय पहिचान र पिछड्याइएको समुदायलाई कुनै नदिने गरी ११ प्रदेशको प्रस्ताव गरेको छ ।