‘२०६८ चैत्र १९ गते मेयङलुङ तेह्रथुम् जाऔं, संघीयता र लिम्बुवानका लागि विशाल संघीय लिम्बुवान आमसभा सफल पारौं’ भन्ने नाराका साथ संघीय माच सम्बद्ध संघीय लिम्बुवान राज्य परिषद जिल्ला कार्य समिति तेह्रथुमले यही चैत्र १९ गते मेयङलुङ तेह्रथुममा विशाल संघीय-लिम्बुवान आमसभा आयोजना गर्दैछ । संविधानसभाबाट ऐतिहासिक पृष्ठभूमिको आधारमा अरुण-सप्तकोशी-सङ्खुवाखोला पूर्वका ९ जिल्लाहरुलाई लिम्बुवान स्वायत्त राज्य घोषणासहितको संविधान जेष्ठ १४ नै जारी गरिनुपर्ने लगायतका माग राखेर आमसभा आयोजना गरिएको आयोजकले जनाएको छ ।
आईएलओ महासन्धि १६९, यूएनडि्रप र आत्मनिर्णयको अधिकार र समानुपातिक सहभागीताको संवैधानिक सुनिश्चितता गरिनुपर्ने माग सहित आयोजना गर्न लागिएको आमसभालाई संघीय माच तथा मन्चसम्बद्ध संघीय लिम्बुवान राज्य परिषदका केन्द्रीय अध्यक्ष कुमार लिङ्देन ुमिराकु लगायतका नेताहरुले सम्बोधन गर्ने कार्यक्रम रहेको छ ।
आयोजक जिल्ला कार्य समिति तेह्रथुमका अध्यक्ष देवनाराण सम्बाहाङ्फे र उपाध्यक्ष विशाल कुरुम्बाङका अनुसार यो ऐतिहासिक संघीय लिम्बुवान आमसभाको तयारी गर्ने कार्य तीव्रगतिमा भईरहेको छ ।
डिबि आङबुहाङ लिम्बु
0
0
