गोर्खा मेजरका छोराको उद्यम कथा

नाम:- विक्रम पुन
उमेर:- ३४

मेरो पुख्र्यौली घर म्याग्दी चिम खोला हो । बाजेको निधन भएको बेला पहिलो पटक म्याग्दी गएको थिएँ । मेरो जन्म सिँगापुरमा भएको हो । गोर्खा मेजर स्वर्गीय नगेन्द्रबहादुर पुन मेरो बुबा हुन । मेरो पढाई लेखाई पनि उतै भयो । सान प्रुान्सिस्को स्टेट युनीभसर्िटीबाट स्नातक गरेको छु । आज पनि दैनिक १५०० युवा लाखौं रुपियाँ खर्चेर रोजागारीको खोजीमा विदेश गईरहेका छन् । तर म सिँगापुरको माईकल म्यान कम्पनीमा मासिक रु। चार लाख तलब आउने सिनियर प्रोडक्सन म्यानेजरको पदबाट राजिनामा दिएर च्याउ खेती गर्न स्वेदेशमा आएको छु । अहिले काठमाडौं भाटभटेनीमा प्रुेस मशरुम प्रालि खोलेर सिताके कन्ये गोब्रे लगायतका च्याउ खेती गरेको छु ।

नेपालमा सिताके प्रतिकिलो रु २५०० मा विक्री भईरहेको छ । मासिक ३ देखि ४ सय केजी च्याउ उत्पादन गर्दै आएको छु । पाँच तारे होटल मेरो मुख्य लक्षित ग्राहक हुन । तर पनि लगानी उठीसकेपछि सबै ग्राहकसम्म पुर् याउने योजना छ । खेती गर्ने तरिका आधुनिक हुनाले पनि मेरोमा उत्पादित सिताके अलि महँगो पर्न गएको छ । रासायनिक पदार्थको प्रयोग गरेको छैन भने च्याउका हरेक टम्बु मसिनो जालीले छोपेर राख्ने गरेको छु । जाली लगाउँदा हानिकारक किटाणु प्रवेश गर्न पाउँदैन । विउ पनि अमेरिकाको फँगी पर्फेट कम्पनीबाट उच्चकोटीको मगाएर लगाएको छु ।

नयाँ प्रविधिमार्फत चाहिए जति विउ पनि बेच्दै आएको छु । ५० केजी भन्दामाथि विउ चाहिनेले एक हप्ता अगाडि जानकारी दिनुपर्दछ । वाह्रै महिना प्रुेस च्याउ प्राप्त गर्न सकोस् भन्ने हेतुले काम थालेको हुँ । यसअघि काठमाडौं गल्फुटारमा बसेर ३६५ दिनकै तापक्रम मापन गरेको थिएँ । नेपालमा च्याउ खेती गर्ने योजना बनेपछि अमेरिकामै च्याउ खेतीसम्बन्धी एक वर्ष रिस्रच गरे । विदेशमा भन्दा हामी कहाँ च्याउ हुर्कन केही बढी समय लाग्ने गरेको अध्ययनले देखाएको छ ।

दैनिक १४ घण्टा काम गर्छु । लोडसेडिङ्गले गर्दा तापक्रम मिलाउन राती १ २ बजे उठ्नु पर्छ । यसअघि बावुलाटारमा तीन तले घर भाडामा लिएर च्याउ खेती गर्दा ६ महिनामा रु १० लाख घाटा भयो । यसले पनि मलाई धेरै सचेत बनाएको छ ।

एक करोड लगानी गरेको प्रुेस मशरुम प्रालिलाई धरानका एक व्यापारीले रु १० करोडमा किन्न खोजेका थिए । मासिक रु ५ लाख भन्दा कम आम्दानी हुने हो मेरो आम्दानी सिँगापुरमा भन्दा कम हुन्छ । यसले गर्दा पनि धेरै मेहेनट गरेको छु । प्रुेस च्याउ र वीउको माग बढेपछि काठमाडौंकै विभिन्न भाग र पोखरामा समेत फर्म विस्तार गर्ने योजना छ । यसका लागि उनले विभिन्न बैंकसँग लोनका लागि छलफल गरिरहेको छु । तर बैंकहरुले विना धितो ऋण नदिने कुरा गरेका छन् । मेरो जस्तो अध्याधुनिक प्रविधिबाट अर्गानिक च्याउ उत्पादन हुने फर्मलाई सरकारले पनि हेर्नु पर्ने हो । तर उनीहरुले वास्ता गरेका छैनन ।

विद्युत अभाव, पानीको अभाव र सरकारी अधिकारीहरुको असहयोगी व्यवहार सम्झिदा दिक्क लाग्छ । तर म नेपालमै बसेर छिट्टै भिआइपी गाडी चढ्छु ।