प्रधानमन्त्री डा बाबुराम भट्टराईसँग डुक ल्होछार २८४८ वृहत् मूल संयोजन समितिले चार बुँदे माग राखेका छन् । प्रधानमन्त्रीलाई सिँहदरबारमा भेटेर माघ ६ गते उनीहरुले विभिन्न माग प्रस्तुत गरेका हुन । तामाङ्ग समुदायले रेडियो नेपालको क्षेत्रीय प्रसारणबाट प्रसारण भइराखेको तामाङ भाषाको कार्यक्रमलाई केन्द्रीय प्रसारणबाट प्रसारण गर्न माग राहेका छन् ।
उनीले तामाङ संवत्लाई राष्ट्रिय मान्यता दिइनुपर्ने, राष्ट्रिय सांस्कृतिक नीति बनाइनुपर्ने र विसं २०६६ चैत ताम्सालिङ सङ्घर्ष समिति र सरकारबीच भएको १९ बुँदे सहमति कार्यान्वयन हुनुपर्ने माग राखेका हुन । चार बुँदे माग लिएर आएका तामाङ्ग नेताहरुलाई प्रधानमन्त्री भट्टराईले सरकारले सबै भाषाभाषीको प्रचलनमा रहॆका संवत्का बारेमा अध्ययन गर्न कार्यदल गठन गरेको स्मरण गराए ।
यसैवीच तामाङ समुदायको धार्मिक एवम् सांस्कृतिक पर्व डुक ल्होछार २८४८ विविध कार्यक्रम आयोजना गरी यही माघ १० गतॆ हर्षाेल्लासका साथ मनाउने भएका छन् । यसका लागि ११७ वटा तामाङ सङ्घसंस्थाको सहभागितामा नेपाल तामाङ घेदुङको संयोजकत्वमा एक हजार एक सदस्यीय मूल समारोह समिति गठन गरिएको छ ।
0
0
