दलितको रकम गैरदलितले खाएपछि गाविसमा ताला

स्थानीय गाविसस्तरीय राजनीतिक संयन्त्रले दलितका क्षेत्रमा रकम विनियोजन गरेको रकम रकम नपाएपछि पर्वत जिल्लाको खौला लाँकुरी गाविसका दलितहरुले गाविस कार्यालयमा तालाबन्दी गर्न बाध्य भएका छन् । तालाबन्दीपछि चौथो गाउँ परिषद् स्थगित भएको छ । गाविसमा भित्रिएको रकमबाट स्थानीय दलितको क्षेत्रमा ७७ हजार ५ सय रुपैंयाँ विनियोजन गरेपनि रकम नदिई परिषद् गर्न लागेपछि पुस २९ गते दलितहरुले ताला लगाएका हुन् ।

गाविस सचिव दिवाकर पौडेलले दलितकै लागि विनीयोजित रकम नदिएको स्विकार्छन् । खौलालाँकुरी दलित साचालका अध्यक्ष धनबहादुर सार्कीले शासक जातीले हेपेर विनीयोजित बजेट पनि नदिएकाले विरोध गर्नु परेको बताए ।

दलित जनजातिका लागि विनीयोजित रकम क्षेत्री वाहुनहरुले झ्वामपारेपछि देशका विभिन्न भागमा यस्तो विरोध शुरु भएको छ ।