‘एमाओवादी, काँग्रेस र एमाले संविधानको बाधक’

नेपाल आदिवासी जनजाति महासङ्घका अध्यक्ष राजकुमार लेखीले माओवादी, काँग्रेस र एमालेका कारण संविधान ओझेलमा परेको बताएका छन् । आदिवासी जनजाति महासङ्घ चितवनले पुस १९ गते भरतपुरमा आयोजना गरेको कार्यक्रममा बोल्दै उनले यस्तो धारणा राखेका हुन ।

लेखीले १४ जेठ भित्र संविधान नलेखे आन्दोलनबाट प्राप्त उपलब्धी गुम्ने बताए । राज्य पुनःसरचना र सङ्घीयतासम्बन्धी मुद्दालाई ओझेलमा पारेर नेताहरु आन्तरिक कलहमा लागेको भन्दै आफ्ना मुद्दाको सम्बोधन नभए आन्दोलन गर्न बाध्य हुने उल्लेख गरे । आदिवासी जनजातिहरुलाई अधिकार दिनुपर्छ भनेर संविधान लेखनमा ठूलादलहरुले ढिलाई गरेको उनको आरोप छ ।