नेटवर्क कारोबार सुकेपछि हिन्दु राजनीतिमा

हर्वो इन्टरनेशनल नामक नेटवर्क सचालक पुष्पराज पौडेल राष्ट्रिय धर्मसभा नेपालको महासचिव चयन भएका छन् । नेपाललाई हिन्दु अधिराज्य बनाउन माग गर्दै आएको सभाको राजधानीमा मंसिर २१ गते सम्पन्न दोस्रो भेलाले ५१ सदस्यीय कार्यसमिति चयन गरेको छ । समितिको अध्यक्षमा डा. माधवप्रसाद भट्टराई, उपाध्यक्षद्वय सूर्यप्रसाद ढुँगेल र भीमकुमारी श्रेष्ठ, सचिवमा रामदरेशराय यादव र कोषाध्यक्षमा एकराज ढुँगेललाई चयन गरेको छ ।

पुष्पराज (पुरुष)पौडेल

८० हजार भन्दा बढी नेपालीलाई हर्वो नामक नेटवर्कको सदस्य बनाएका पौडेलले आफूलाई पुष्पराज पुरुषको रुपमा चिनाउँदै आएका छन् । अहिले हिन्दुहरुको मन्दिरलाई मात्रै सुरक्षा दिनुपर्ने माग गर्दै हिँडेका पुष्पराज यसअघि गोल्ड क्वेष्ट नामक नेटवर्क कम्पनीका हर्ताकर्ता थिए ।