गोरखाको लिगलिगकोटमा भएको लिगलिगे दौडको उपाधि नेपाली सेनाका हरिकुमार रिमालले जितेका छन् । निर्धारित दुरी १ घन्टा १ मिनेटमा पुरा गरी रिमालले उपाधि जितेका हुन् । त्यस्तै १ घन्टा १ मिनेट १३ सेकेन्डको समय निकालेर नेपाली सेनाकै होमलाल श्रेष्ठ दोस्रो र गएको वर्ष पहिलो भएका नेपाल पुलिसका भूमिराज राई तेश्रो भएका छन् ।
प्रतियोगिताका विजयी धावकलाई एथ्लेटिक्सका प्रशिक्षक जितबहादुर केसीले पुरस्कार प्रदान गर्नुभभयो । प्रतियोगितामा पहिलो हुने रिमालले नगद ५० हजार दोस्रॊ हुने श्रेष्ठले २५ हजार तेस्रो हुने राईले १० हजार रुपैयाँ पाएका छन् । चौथोले पाँच हजार र पाँचौ हुनेले तीन हजार रुपैयाँ पाएका छन् । लमजुङ र गोरखाको सीमा चेपेघाटदेखि लिगलिगकोटको मुल गढीसम्मको १३ किलोमिटरको दौडमा राष्ट्रियस्तरका धावक समेत गरी ५६ जनाले भाग लिएका कार्यक्रम संयोजक संजिव रानामगरले जानकारी दिए ।
द्रव्य शाहले षडयन्त्रपूर्वक तरिकाले मगरहरुलाई लिगलिगे दौडमा हराएपछि मगरात राज्य पतन हुन थालेको थियो ।
सेन्छेलुङ्ग लिम्बु\काठमाडौं
0
0
