राष्ट्रिय जनमुक्ति पार्टीले नवलपरासी जिल्लामा भदौ २० गतेदेखि २६ गतेसम्म प्रशिक्षण संचालन गर्ने भएको छ । सो पार्टीका नवलपरासी जिल्ला सचिव तिलबहादुर झेंडी मगरले राज्यसत्ता डटकमलाई दिएको जानकारी अनुसार भदौ २० गते कावासोतीमा जिल्ला स्तरीय प्रशिक्षण संचालन हुने भएको छ ।
भदौ २१ गतेदेखि २६ गतेसम्म जिल्लाको ६ वटै निर्वाचन क्षेत्रमा क्षेत्रीय प्रशिक्षण संचालन हुने भएको छ । भदौ २१ गते अमरापुरीमा, २२ गते कावासोतीमा, २३ गते दुम्किबासमा, २४ गते रामग्राम भुमहीमा, २५ गते जहदामा र २६ गते त्रिवेणी सुस्तामा प्रशिक्षण राखिएको सचिव झेंडी मगरले जानकारी दिए । प्रशिक्षणका लागि केन्द्रबाटै प्रशिक्षकहरु आउने तय भएको छ ।
सचिव झेंडी मगरले नवलपरासी जनमुक्ति पार्टीमा प्रवेश गर्नेहरुको लहर नै शुरु भएको छ । संविधानसभा निर्वाचनमा विगतका चुनावको तुलनामा जनमुक्तिको सबै भन्दा बढी भोट बृद्धि भएको जिल्ला नवलपरासी हो ।
0
0
