जातीय संघीयता घातक-रामशरण महत

नेपाली काँग्रेस नेता डा. रामशरण महतले जातीय र धार्मिक आधारमा प्रदेश निर्माण गर्नु घातक हुने दाबी गरेका छन् । नेपाल लोकतान्त्रिक वैदेशिक रोजगार व्यवसायी फोरमले साउन ३१ गते राजधानीमा आयोजना गरेको ‘संविधानसभा यथास्थिति र विकल्प तथा सङ्घीयतामा आर्थिक सम्भाव्यता’ विषयक अन्तरकि्रया कार्यक्रममा महतले बहुसांस्कृतिक, बहुभाषिक, बहुजातीय, बहुधार्मिक मुलुक भएकाले संघीयताको आधार जाती र धर्म नहुने धारणा राखेका हुन । महतले आर्थिक सम्भाव्यतालाई आधार बनाउनु पर्ने जिकिर गरे ।

कार्यक्रममा काँग्रेसका अर्का नेता गगन थापाले संघीयतामा जाँदा राष्ट्रिय अखण्डता सार्वभौमसत्ता र लोकतन्त्रलाई ख्याल गर्नुपर्ने बताए । अर्थविद डा.चिराजीवी नेपालले नेपालको सङ्घीयता र आर्थिक सम्भाव्यतासम्बन्धी कार्यपत्र प्रस्तुत गरेका थिए ।