हङकङमा आदिवासी दिवस अघिको बर्षभन्दा यसपालि भब्य

८ अगस्ट
हङकङमा १७औं विश्व आदिवासी दिवस यसपालि विशेष रुपमा सम्पन्न भयो । यसपालि अन्य बर्षको तुलनामा मान्छेहरुको उपस्थिति उत्साहजनक थियो । जनजाति आन्दोलनका बौद्धिक ब्यक्तित्व डा. कृष्ण भट्टचनलाई सुन्न पनि होला यूमातेई कम्यूनिटि हल खचाखच भरिएकोथियो ।

यसबर्षको बर्ष पुरुष संचारकर्मी राई चन्द्र दुमी र बर्ष चेली नमोबुद्ध आमा समूहका अध्यक्ष पदमकुमारी गुरुङलाई चयन गरियो । जनजाति आन्दोलनलाई लेखेर सघाएबापत र आमा समूहले सक्रिय सामाजिक कार्य गरेवापत यो सम्मान प्रदान गरिएकोथियो ।

आदिवासी बर्ष पुरुष र बर्ष चेली

कार्यक्रममा हगंकग सरकारका प्रतिनीधि तथा डिएभीका नेताहरुको पनि सहभागीता थियो । १० वटा जातीय संस्था आवद्ध रहेको महासंघको उक्त कार्यक्रममा सबै जातीय संस्थाहरुले आ आफ्ना साँस्कृतिक कार्यक्रम पेश गरेकाथिए ।