गणतन्त्र कोरियाको सिओलस्थित नेपाली राजदूतावासले सिओलको एल्डो हानगान पार्कमा नेपाल उत्सव-२०११ सम्पन्न भएको छ । आर्थिक कूटनीतिको प्रवद्र्धन गर्ने वार्षिक कार्यक्रमअन्तर्गत भएको कार्यक्रमलाई स्थानीय सिओल ग्लोबल सेन्टर गैरआवासीय नेपाली सङ्घ र नेपाल पर्यटन बोर्डले सहयोग गरेका थिए ।
उत्सवमा बोल्दै नेपाली राजदूत कमल कोइरालाले कोरियामा नेपाली संस्कृति, व्यापार, पर्यटन र लगानी प्रवद्र्धन गर्न त्यस्ता कार्यक्रमको महत्व रहेको बताए । कोरियामा बसेका नेपाली समुदायद्वारा सांस्कृतिक कार्यक्रम प्रदर्शन र नेपाली खाना खुवाइएको थियो । कार्यक्रममा थुप्रै कोरियालीले नेपाली खाना र हस्तकला कक्षको निरीक्षण गरेका थिए ।
कार्यक्रममा नेपाली विद्यार्थी, नेपाल-कोरिया मैत्री सङ्घका प्रतिनिधि, कोरियाली व्यवसायी,कोरियाली बौद्ध तथा सामाजिक कल्याण संस्था, कोरियाली पत्रकार महासङ्घ र कोरिया अल्पाइन सङ्घका प्रतिनिधिको सहभागिता रहेको थियो ।
0
0
