सबै जाति मिलेर प्रथम शहिदको सालिक ठड्याइने

वैशाख २१
देशभर स्थापना गरिदै आएको प्रथम शहिद लखन थापा मगरको सालिक अब सदरमुकाम धादिङबेसीमा पनि ठडिने भएको छ । बुधबार प्रजिअ भरत पौडेलले एक समारोहबीच शिलान्यास गरेका छन् । जिल्ला प्रशासन र जिविस कार्यालयबीचको क्षेत्रमा निर्माण हुन लागेको अर्ध कदको थापाको सालिक आदिवासी जनजाति महासंघ जिल्ला समन्वय परिषद, नेपाल मगर संघ, नेपाल तामाङ घेदुङ, झिंगु नेवा समाज, तमु छोज धिं, नेपाल चेपाङ संघ जिल्ला समिति लगायतको प्रयासमा बनाउन लागिएको हो । यसका लागि जिविसको आदिवासी जनजाति शीर्षकबाट विनियोजित २ लाख खर्च गरिने मगर संघका केन्द्रीय सदस्य हरि पाटामगरले बताए ।