कञ्चनपुर, १९ मङ्सिर । ऊर्जामन्त्री डा प्रकाशशरण महतले वर्तमान राजनीतिक गतिरोध अन्त्य गरी संविधान निर्माणका लागि प्रमुख राजनीतिक दलहरु जुट्नु पर्ने बताएका छन ।
नेपाल प्रेस युनियन कञ्नपुरद्वारा आज यहाँ आयोजित पत्रकार भेटघाट कार्यक्रममा बोल्दै उहाँले जारी गतिरोध अन्त्य नभए मुलुकमा आन्तरिक द्वन्द्व सिर्जना भई भयावह स्थिति सिर्जना हुनसक्ने बताए ।
उनले राजनीतिक दलहरुले विधिको शासनप्रति उदासिनता देखाएका कारण मुलुकको विकासको कार्य अगाडि बढ्न नसकेको बताए ।
रासस