भक्तपुर, १९ मङ्सिर
नेवाः स्वायत्त राज्य मङ्का सङ्घर्ष समितिले भक्तपुरमा आयोजना गरेको दुईदिने नेवाः राष्ट्रिय राजनीतिक सम्मेलन पाँचबुँदे घोषणापत्र जारी गर्दै सम्पन्न भएको छ ।
करिब ७० जिल्लाका ५०० प्रतिनिधि एवम् पर्यवेक्षक सहभागी भेलाले गएराति पाँचबुँदे घोषणापत्र जारी गरी सम्मेलन सम्पन्न भएको सञ्चार प्रवक्ता नरेश बीरले जानकारी दिनुभयो ।
पाँचवुँदे घोषाणापत्रमा नयाँ संविधान समय सीमाभित्रै निर्माण हुनुपर्ने, उपत्यकाको प्रस्तावित नेवाः राज्यको क्षेत्र विस्तार गर्नुपर्ने रहेको छ ।
उपत्यकामा बाहिरका नेवार समुदायको समान प्रतिनिधित्व हुनुपर्ने, जुनसुकै पार्टीको प्रशासनिक क्षेत्रमा नेवार समुदायको बाहुल्यता हुनुपर्ने घोषणापत्रमा उल्लेख छ ।
सम्मेलनमा आत्मनिर्णयको अग्राधिकार सहितको नेवाः राज्य स्थापना हुनुपर्ने तथा नेवाः राज्यभित्र हरेक क्षेत्रमा पहिलो नेवार समुदायलाई प्राथमिकता दिनुपर्ने माग रहेको बताएका छन् ।
रासस
0
0
