काठमाडौँ, १० मङ्सिर । राष्ट्रपति डा रामवरण यादवले आज बिहान मुलुकको वर्तमान राजनीतिक गतिरोधबारे उच्चस्तरीय राजनीतिक छलफल गरेका छन ।
राष्ट्रपति भवन, शीतलनिवासमा उहाँले नेपाली काँग्रेसका सभापति सुशील कोइराला र नेकपा (एमाले) का अध्यक्ष झलनाथ खनालसँग राजनीतिक परामर्श गरेका हुन् ।
भेटपछि पत्रकारहरुसँग कुरा गर्दै सभापति कोइरालाले आपूmहरुबीच चाँडै संसद्को अधिवेशन बोलाउने र प्रधानमन्त्री पदको चुनावको प्रक्रिया अघि बढाउने विषयमा छलफल भएको जानकारी दिए ।
उनले शान्ति स्थापना र संविधान निर्माणको प्रक्रियालाई टुङ्गोमा पु¥याउन दलहरुबीच एकता र सहकार्य आवश्यक रहेको विषयमा पनि राष्ट्रपतिसँग कुराकानी भएको बताए ।
माओवादीले विगतको सम्झौतालाई मनन गर्नुपर्ने आपूmहरुबीच छलफल भएको सभापति कोइरालाले चर्चा गरे ।
त्यस्तै भेटपछि पत्रकारहरुसँगको कुराकानीमा अध्यक्ष खनालले वर्तमान राजनीतिक गतिरोधबारे राष्ट्रपति डा यादवले चिन्ता र चासो व्यक्त गरेको बताए ।
उनले आफ्नो भेटमा राष्ट्रपतिसँग संसद्को अधिवेशन सुरु गरेर वर्तमान अवस्थाको राजनीतिक गतिरोध अन्त्य गर्ने विषयमा छलफल भएको जानकारी दिए ।
अध्यक्ष खनालले भेटमा सबै दल मिल्नुको विकल्प नभएको र छ महिनाभित्रको छोटो समयमा शान्ति स्थापना र संविधान निर्माण प्रक्रियाले पूर्णता पाउनुपर्ने चुनौतीको विषयमा छलफल भएको चर्चा गरे ।
उनले संसद्मा हाल भएको घटनापछि दलहरुबीच दूरी बढेको सम्बन्धमा सबै मिलेर चाँडै सो समस्याको समाधान खोजेर शान्ति प्रक्रियालाई टुङ्गोमा पु¥याउने विषयमा पनि छलफल भएको जानकारी दिए । रासस
0
0
