लमजुङ, १० मंसिर
तनहुँको भानु गाविस ८ तुरतुरेमा आज विहान मिनि वस दुर्घटना हुँदा एक बालकको ज्यान गएको छ ।
दुर्घटनामा परेर तनुहँ पुर्कोट गाविस ७ अर्गौँलेटारका १४ बर्षिय कृष्ण विश्वकर्माको घटनास्थलमै ज्यान गएको हो । विहान पौने १० बजे भएको दुर्घटनामा परेर ७ जना घाईते भएकाछन् । १ को अवस्था गम्भीर छ ।
घाईते सवैको तुरतुरेस्थित गोरखा सामुदायिक पोलिक्लिनिकमा उपचार भईरहेको छ ।
लमजुङ सदरमुकाम वेसीशहरवाट तनहुँको डुम्रेतर्फ जाँदै गरेको ना ३ ख ७२२१ नम्बरको बस तुरतुरे बजारको सडकमै पल्टिएर दुर्घटना भएको हो । सडकमा आएको कुखुरालाई जोगाउने क्रममा बस पल्टिएको ईलाका प्रहरी
कार्यालय भानुका प्रहरी ईन्चार्ज रेशम रेग्मीले जानकारी दिएकाछन् ।