लमजुङ, १० मङ्सिर
लमजुङ सदरमुकाम बेसीसहरस्थित नारायणस्थान चोकमा रहेको एक पसलबाट रु आठ लाख बराबरको मोबाइल चोरी भएको छ ।
ज्योतिकुमार पियाको घरमा रहेको राम बस्नेतको पसलबाट दुईसय थान विभिन्न कम्पनीका मोबाइल गएराति चोरी भएको हो ।
सटरलाई बङ्ग्याएरभित्र पसेर चोरी गरेको अनुमान प्रहरीले गरेको छ । चोरी भएको पसल जिल्ला प्रहरी कार्यालयबाट झन्डै एक सय मिटरको दूरीमा पर्दछ ।
बिहान पसल खोल्नेक्रममा मात्र चोरी भएको थाहा भएको पसल सञ्चालक राम बस्नेतले जानकारी दिनुभयो ।
बाहिर निस्कने ठाउँ साँघुरो भएकाले अन्य सामान भने चोरले लैजान नसकेको समेत बस्नेतले बताएका छन् । रासस